Barka Da Zuwa labaraiblogs

Abin da ya kamata ka sani dangane da shan magungunan ciwon jiki barkatai. __________________ Ɗabi'ar shan magungunan ciwon jiki da gaɓɓai ɗabi'a ce da ta zama ruwan dare, sai dai jinsin magungunan rage ciwo, raɗaɗi, ko zafin jiki da ake cewa NSAIDs (Nonsteroidal Anti-inflammatory Drugs) ba sune mafita ga masu fama da ciwon jiki ba, kamar masu fama da ciwon baya, ciwon wuya, ciwon gwiwa da sauransu. Domin irin waɗannan ciwuka suna faruwa ne sakamakon saɓanin zaman ƙashi, jijiya da tsoka a jiki. Saboda haka ciwon jiki ko ciwon wata gaɓa na faruwa ne a matsayin alama ko gargaɗi cewa an sami saɓani tsakanin tsoka, ƙashi ko jijiya. Wannan ne yasa ko mutum ya sha maganin ciwon jiki da zarar ƙarfin maganin ya ƙare a cikin jini to wannan ciwo zai dawo har sai an sake shan wani maganin kuma. A taƙaice jinsin waɗannan magunguna ba sune haƙiƙanin matsalar ciwo ba dangane da ciwukan jiki da suke da asali daga jijiya, ƙashi da tsoka. Haka nan waɗannan magunguna suna a matsayin shamaki ...

Hukumar da ke gudanar da wasan zakarun turai, UEFA, ta fitar da jadawalin rukunan wasan da za a yi (champion league) a kaka mai zuwa. Hukumar ta kuma zabi dan kasar Croatia dake buga wa Real Madrid wasa, Luka Modric', a matsayin dan kwallon da yayi fice. Cristiano Ronaldo ne ke biye masa sai kuma Mohammed Salah a matsayin na uku Group A Atlético Madrid, Dortmund, Monaco, Club Brugge Group B Barcelona, Tottenham, PSV, Inter Milan Group C PSG, Napoli, Liverpool, Crvena zvezda Group D Lokomotiv Moskva, Porto, Schalke, Galatasaray Group E Bayern Munich, Benfica, Ajax, AEK Anthens Group F Man. City, Shakhtar Donetsk, Lyon, Hoffenheim Group G Real Madrid, Roma, CSKA Moskva, Plzeň Group H Juventus, Man Utd, Valencia, Young Boys

Shugaban majalisar dattijai na Najeriya, Dr. Bukola Saraki, Ya bayyana aniyarsa ta Tsayawa Takarar Shugaban Kasa A Zaben 2019, Inda Ya sha Alwashin Kai Najeriya ga nasara Shugaban majalisar na Dattawan ya bayyana hakan ne a yau Alhamis, a yayin taron tattaunawa da matasa da aka gudanar a otal din Sheraton da ke Abuja.

      Adadin wadanda suka bayyana aniyar su ta tsayawa takarar shugabancin Najeriya a zaben 2019 ya kai 42 zuwa yanzu.  Ga sunayen su: 1. Kingsley Moghalu 2. Sule Lamido 3. Donald Duke 4. Kabiru Tanimu Turaki 5. Ahmed Mohammed Makarfi 6. Ibrahim Dankwambo 7. Muhammadu Buhari 8. Fela Durotoye 9. Funmilayo Adesanya-Davies 10. Remi Sonaiya 11. Thomas-Wilson Ikubese 12. Omoyele Sowore 13. Enyinnaya Nnaemeka Nwosu 14. Ahmed Buhari 15. Adesanya Fegbenro-Bryon 16. Charles Udeogaranya 17. Mathias Tsado 18. Eniola Ojajuni 19. Olu James Omosule 20. Tope Fasua- Anrp 21. Elishama Rosemary Ideh 23. Usman Ibrahim Alhaji 24. Datti Baba Ahmed 25. Adamu Garba 26. Chris Emejuru 27. Oluwaseyitan Lawrence Aletile 28. Omike Chikeluba Lewis 29. Ibrahim Ladaja 30. Omololu Omotosho 31. Fidelis Akhalomen Lawrence Ekoh 32. Alhaji Atiku Abubakar 33. Ibrahim Shekarau 34. Professor Iyorwuese Hagher 35. Chike Ukaegbu 36. Attahiru Bafarawa 37. Rabiu Musa Kwan...

Sanatan Kano ta tsakiya, Dr. Rabi'u Musa Kwankwaso, ya kaddamar da takarar sa ta neman shugaban kasar Najeriya a karkashin jam'iyyar PDP. Tsohon gwamnan Kano din ya bayyana aniyar sa ta tsayawa takarar ga dubban magoya bayan sa da akasarin su ke sanye da jar hula infa akayi taron a Cida Hotel da ke Jabi and garin Abuja.

Hukumar da ke gudanar da kwallo a nahiyar turai, UEFA, ta zabi kwallo ta biyu da Cristiano Ronaldo ya ci Juventus a yayin karawar su da Real Madrid a kakar wasannin da ta gabata, a matsayi na daya. Dan Portugal din dai ya sami kyautar bayan cin watsiya da yayi a yayin wasan  da saida hakan ya burge magoya bayan Juventus din da har suka tashi tsaye suka jinjina masa akan bajintar da yayi.

Birtaniya ta dawowa da Najeriya £70m, ta yi alkawarin dawo da kari anan gaba Gabanin zuwan Firam Ministan Birtaniya nan Najeriya, gwamnatin kasar ta dawowa da Najeriya da wasu makudan kudade da wani ma’aikacin gwamnatin Najeriya ya kai kasar. Kasar Birtaniya ta dawowa Najeriya da makudan kudi £70m da aka kwato daga hannun wani barawon gwamnati da ya sace kuma wata kotun Italiya ta kama shi. Jakadan Birtaniya zuwa Najeriya, Mr Paul Arkwright, ya bayyana hakan ne yayinda yake jawabi ga manema labarai a birnin tarayya Abuja. Yace:“Akwai wata karar kotun Italiya da wani mutum, Wani kashin kudin na ajiye kasar Birtaniya kuma an maido da kudin Najeriya kwanan nan. Saboda hakane aka dawo da Fam milyan 70." Amma jakadan Mr Paul Arkwright,ya ki bayyana sunan dan Najeriyan da ya kai kudin Najeriya wajen. Ya ce dai za’a dawo da karin kudi inda ya jaddada cewa kasarsa na aiki da gwamnatin Najeriya domin kara saurin gudun yadda za’a dawo da su.

Rundunar 'yan sanda ta kama wasu mutane uku daga cikin mutanen da suke lalata layin dogon da gwamnatin tarayya ke kokarin farfado da shi domin sada jihohin kasar nan cikin sauki. An kama wadannan mutane ne a yankin Kudu maso Gabashin kasar nan, izuwa yanzu jami'an 'yan sanda suna ci gaba da bincike akan wadannan mutane domin tatsar bayanai akan wannan aika-aika da suke tafkawa.

Jaridar Sunday times sun ruwaito cewa mamallakin kungiyar kwallon kafa ta chelsea, Roman Abramovich, ya hayo wani banki dake New York mai suna 'Raine Group' dan yayi masa dillanci akan shirin sa na sayar da kulob din. Bankin dai an ce yayi ma kulob din kiyasin kudi £2billion ( Naira tiriliyan 840 ). Abramovich ya sayi Chelsea din a 2003 akan kudi £140 million ( Naira biliyan 58.8 ). Sune kulob din London na farko da ya dau kofin zakarun turai a shekarar 2012.

      Shugaban Kasar Najeriya, Muhammadu Buhari, ya bukaci sojojin kasar da kada su sasauta wa 'yan ta'adda da masu garkuwa da mutane domin karbar kudin fansa da kuma masu satar dabbobi. Shugaban ya bayyana haka ne a yau Asabar a filin jirgin saman Katsina lokacin da yake ganawa da sojojin gabanin komawarsa Abuja bayan ya yi hutun babbar sallah a mahaifarsa dake Daura. Sojojin na cikin rundunar Operations Sharan Daji da Diran Mikiya wadanda aka tura jihar Zamfara da makwabtan jihohi domin magance matsalar barayin mutane da shanu da kuma 'yan fashi da makami.

Wasu daga cikin yan Najeriya na ta cece-kuce akan akan wannan hoton fake kunshe da manyan attajiran kasar a yayin da suke gudanar bukukuwan sallar su cikin saukin kai. Shugaban kamfanin BUA, Abdussamad Rabi'u ne ya sauke su. Wanda ya fi kudi a afirka, Aliko Dangote, Femi Otedola, Sam Iwuajoku da Richie Shittu tare da mai masaukin su sun yi hoto 'ba tare da kayan kwalan da makwalashe akan teburin ba' shi ya ja yan Sa ido me surutai akan hakan.

Wani Mahajjaci Ya Fado Daga Rufin Masallacin Harami Majiyar mu ta rariya ta ruwaito cewa "hukumomi a Saudiyya sun tabbatar da yau Juma'a misalin karfe 8:10 na safe wani mutum ya fado daga rufin dake Masallacin Harami zuwa kasa wajen da ake Dawafi abinda ya yi sanadiyyar mutuwar sa nan take tare kuma da raunata wasu mutane biyu."

Mai girma tsohon gwamnan jihar Kano kuma sanatan Kano ta tsakiya, Dr. Rabi'u Musa Kwankwaso, ya kai ziyara ga tsohon shugaban kasar Najeriya, Goodluck Jonathan, a gidan sa da ke Maitama, Abuja. Akwai yiwuwar cewa dai ziyarar tana da alaka da aniyar tsohon ministan na jam'iyyar PDP ta tsaida shi a matsayin dan takarar ta na shugaban kasa a zabe mai gabatowa.

 Tsohon mataimakin shugaban kasar Najeriya, Atiku Abubakar, ya bayyana cewa shi yana yawan motsa jiki gami da sassarfa na sama da mil daya, amma yin hakan ba wani abu ne na bajinta da zai nemi 'yan Najeriya su zabe shi a kan hakan ba.  Turakin Adamawan ya kara da cewa yana so jam'iyyar sa -PDP da yan Najeriya su zabe shi dan aikin sa ba dan tafiyar kafa ba. Ya kara da cewa zai yi aiki dan ya kirkiri ayyuka, ba kuma zai yi tafiyar kafa dan ya kirkiri abin da ba hakan ba ne.

   Ra'ayin A lhaji Sharif Hifzullah Laifin Kwankwaso daya dai shi ne ya nemi kujerar Buhari. Maganar zargin sata kuwa, idan ka cire Buharin, babu wanda ba'a zargin sata akansa har da muqarraban Buharin. Amma idan ka natsu da kyau, ka dubi yadda Kwankwaso ya tura 'ya'yan talakawa da ya tura karatu, wadanda tuni suka fita qangin talauci da zaman banza, zaka iya cewa tun daga Sardauna, ba'a qara samun mai kishin Arewa ba kamar Kwankwaso. A lokacin da aka kama masu farauta daga Jigawa a garin Imo, ana zarginsu da zama 'yan Boko Haram, a 2014, Kwankwason dai ya kai masu dauki. Wataqila da har yanzu suna can garqame ko kuma ankashe su. Haka ya yi tattaki har zuwa Ile-Ife inda ake kashe Hausawa a garin. Ya kuma je Mile 12 a lokacin da aka kashe Hausawa. Zuwansa Ile Ife ya sanya duk wadanda ake zargi akan rikicin aka mayar da su a Abuja domin yi masu shari'a. A yanzu, Yarabawa sun fi kowa amfana da wannan gwamnatin ta Buhari a fannin ayyukan titi, hanyoyin jirg...

Shugaban kasar Najeriya, Muhammad Buhari, yayi sallar idi a garin Daura da ke jihar Katsina a yau inda ya taka da kafa tsawon mita 800 tun daga masallacin idin garin zuwa gidan sa a Daura. Mutanen da dama su fito dan tarar shugaban kasar inda suka dinga ihun 'said baba!'.  Muhammad Buhari na yanka ragon layyar sa a gidan sa na Daura bayan ya dawo daga masallacin idi.

Shugaban kasa Muhammad Buhari ya baro fadar hugaban kasa da ke Abuja zuwa garin Daura a Katsina, dan gudanar da bikin sallar layya. Ya sauka a tashar jiragen sama ta Umaru Musa Yar'adua yau litinin da yamma kafin daga bisani ya zarce garin Daura.

Hukumar da ke shiryawa daliban sakandare Jarrabawar satifiket (NECO) ta saki sakamakon jarrabawar da ta yi wa dalibai a watan June/July. Daga cikin jimillar dalibai 1,041,536 da suka rubuta Jarrabawar guda 742,455 ne kawai su ka samu akalla kiredit 5 da suka kunshi turanci da lissafi. Hukumar ta kuma tabbatar da kama dalibai guda 20,181 da magudin Jarrabawa.

A yau litinin ne shugaban kasar Najeriya, Muhammadu Buhari, ya jagoranci zaman ganawa da shuwagabannin rundunonin tsaro na kasa a fadarsa dake Abuja. Wannan dai shine farkon taro da shugaban kasar yayi tun bayan dawowar shi daga hutun aiki ranar lahadin da ta gabata.

Tsohon mataimakin shugaban kasar Najeriya, Atiku Abubakar, yayi wa iyalin sa da kasa Najeriya addu'ar neman albarka, inda ya rubuta a shafin sa na fesbuk kamar haka, " Allah ya ci gaba da karo albarkoki akan mu, iyalanmu da kasarmu a wannan rana ta Arafah. La ilaha ilallah, wahdahu la sharikallah, lahul mulk walahul hamd wa huwa ala kuli shayin Qadeer."

Kasar Amerika ta girmama tsohon limamin nan, Abdullahi Abubakar, wanda ya ceci sama da kiristoci 300 daga mahara a kauyen Nghar Yelwa da ke karamar hukumar Barikin Ladi a jihar Plateau. An girmama limamin ne a wani taro da ofishin jakadancin amurka ya shirya a garin Jos inda suka roki sauran yan najeriya da su yi koyi da irin halin dattakon limamin.

 Gwamnan jihar Kano, Abdullahi Umar Ganduje, ya kalubalanci sanatan Kano ta tsakiya, Rabi'u Musa Kwankwaso, da yazo Kano ya kaddamar da takarar sa in yana tunanin yana da dimbin magoya baya. Gwamnan ya kara da cewa kanawa ba za su tari Kwankwaso ba, kuma suna da damar zabar Dan takarar da suke ganin yafi dacewa. Ganduje ya ce ba su dauki Kwankwaso a matsayin dan takarar shugaban kasa ba, Buhari kawai suka sani kuma shi za su mara wa baya.

A halin yanzu 'yan Nijeriya da dama na nuna wa mataimakin shugaban kasar, Farfesa Yemi Osinbajo matukar so irin wanda ba kasafai 'yan siyasa ke samu ba, a kasar da ba a kallon galibin 'yan siyasa da kima sosai. Ana yaba wa mataimakin shugaban kasar saboda yadda ya dauki kwararan matakai ba tare da wata-wata ba yayin da ya rika wa Shugaba Buhari a matsayin mukaddashin shugaban Nijeriya, lokacin hutun shugaban na kwanaki goma a baya-bayan nan. Yanayin hobbasa da kazar-kazar din mutumin, mai shekaru 61 a duniya, ya sha bamban da yanayin jinkiri da jan-kafa na Shugaba Buhari, mai shekaru 75 a duniya, wanda wasu 'yan kasar ke wa lakabi da ''Baba Go-slow'', wato ''Baba Mai nawa.'' Manyan jami'an gwamnatin Najeriya dai na cewa duk wani mataki da mataimakin shugaban kasar ko kuma shi kansa Shugaba Buhari ya dauka, abu ne na gwmnati guda babu wani bambanci, kuma dukkanninsu sun zo ne da manufofi guda da zimmar aiki tare. Amma duk da haka w...

Hukumar da ke kula da gudanar da aikin hajji ta najeriya, NAHCON, ta bayyana cewa ta kirkiro wata sabuwar manhaja da za ta rage yawan batan alhazai a lokacin aikin hajji. Hukumar ta ce fasahar na'ura mai kwakwalwar  ta GPS za ta dinga nuna wa alhazai taswirar wajen da suke da kuma inda suke nema. Manhajar tana dauke da shafin yanar gizo kuma an sanya ta a dukkan shemomin jihohin kasar ta yadda za a iya latsa duk wacce mutum ke nema daga ko ina, kamar filin Arfa da Muzdalifa da wajen jifa. Kuma nan take za ta nuna wa mutum taswirar inda zai bi ta manhajar Google map. Sai dai manhajar za ta dinga aiki ne kawai a wayoyin komai da ruwanka. Hukumar ta NAHCON ta ce ta kuma samar da wasu lambobin waya da alhazai za su iya kira ba dare ba rana domin neman taimako.

Shugaban kasar Najeriya, Muhammadu Buhari, ya ce babban abin da zai sa a gaba bayan komawarsa aiki daga hutu shi ne daure barayi. Muhammad Buhari ya bayyana haka ne a hirar sa da gidan talbijin na NTA jim kadan bayan ya isa fadar shugaban kasar da ke Abuja, babban birnin tarayyar kasar. Bayan da aka tambaye shi game da abin da zai sa a gaba bayan ya yi hutun kwana goma, Shugaba Buhari ya ce "za mu daure barayi da yawa wadanda suka jefa mu cikin matsin tattalin arziki. Da ma na san ana sa ran zan yi hakan, kuma zan yi." Yaki da cin hanci da rashawa na cikin manyan abubuwan da Shugaba Buhari ya yi alkawarin aiwatarwa lokacin da yake yakin neman zabe. Buhari ya dawo Nigeria Tsohon shugaban majalisar dinkin duniya ya rasu

Shugaban kasar Najeriya, Muhammad Buhari, ya dawo gida Najeriya a yau bayan ya tafi hutun aiki na Kwana goma. Buhari ya samu tarba daga cincirindon magoya baya wadanda suka hada da gwamnan jihar Kogi, Yahya Bello, da sakataren gwamnatin tarayya, Boss Mustapha.

Shugaban kasar Najeriya, Muhammad Buhari, zai dawo gida Najeriya yau bayan ya shafe kwanaki goma da ya tafi hutun aiki a Ingila. Shugaban kasar ya tafi hutun ran 3 ga watan August, inda ya bar mataimakinsa, Yemi Osinbajo a matsayin mukaddashin shugaban kasa. Babban mai taimakawa shugaban kasar ta bangaren yada labarai, Garba Shehu, shi ya tabbatar da cewa Buhari 'zai dawo a yau' kodayake bai fadi takamaiman lokacin da zai dawo a yau din ba. Kofi Anan ya rasu kwankwaso ya hau jirgin saman daya daga cikin wadanda ya waje dan su koyi tukin Jirgi facebook din mu

An sanar da mutuwar tsohon shugaban majalisar dinkin duniya, Kofi Anan. Ya dai rasu a kasar Switzerland bayan wata  'yar gajeruwar rashin lafiya. Ana ganin mutuncin Kofi Anan a fadin duniya saboda rawar da ya taka a baya na tabbatar da zaman lafiya da daidaito. Ya kuma jagorancin majalisar dinkin duniya daga shekarar 1996 zuwa 2006, inda kuma ya Samu babbar kyauta ta bajinta (Nobel prize) akan Samar da zaman lafiya a shekarar 2001. Shafin mu na facebook

Tsohon gwamnan Kano, Rabi'u Musa Kwankwaso, ya hau jirgin saman Azman yau da safe daga Lagos zuwa Abuja sai abin farin ciki ya faru: matukin jirgin yana daga cikin dalibai dari da Kwankwason ya tura makarantar koyon tukin jiragen sama da ke kasar Jordan dan su koyi tukin jirgin sama. Aminu Muhammad ya zama matukin jirgin saman Azman yau. Sanatan Kano din ya bayyana farin cikin sa akan hakan. Za a iya tuna cewa Kwankwason ya taba haduwa da wani matukin jirgin saman Azman din mai suna Hadi Sumaila a shekarar da ta wuce wanda shima matukin jirgin saman Azman din ne. facebook din mu

Kwamishinan ‘yan sandan jihar Gombe, Shina Olukolu, ya bayyana cewa dakarun sa sun kama wasu dillalen miyagun kwayoyi hudu a jihar. Olukolu ya fadi haka ne ranar Alhamis a garin Gombe inda ya kara da cewa rundunar ta kama wadannan mutanen da miyagun kwayoyi da yawa a tare da su. Ya ce bayanan da suka samu game da su wadannan mutane ne ya sa suka sami nasarar kama su. ” Cikin kwayoyin da muka kama su da shi sun hada da kwayoyin Tramadol, Vallium, Dizapam, Exzol, Kodin da madaran su kodai’’. A karshe, Olukolu ya ce za su gurfanar da su a kotu da zaran an kammal bincike a kan su. Shiga Facebook din mu

Gwamnan jahar Kano, Abdullahi Umar Ganduje, ya samu sarautar 'zakin da yake bada kariya ga al'ummar Igbo' da shugaban sarakunan gargajiya na kabilar Igbo da jihar Abia, Eze Eberechi Dick yayi masa a fadar Sa dake garin Abia. An ba gwamna Ganduje wannan sarautar ne saboda kokarin sa na tabbatar da adalci akan kabilu mazauna Jihar Kano ba tare da nuna musu bambanci, ko kyara ba. Shiga Shafin mu na Facebook

Kakakin rundunar yan sandan jahar Kano, Magaji Musa Majiya, ya tabbatar da kama, Rabi'u Sulaiman, da ya kware wajen kera bindigogi yana sayarwa Yan fashin dake addabar jama'a a dajin falgore da titin Kano-Zaria-Kaduna. Kakakin Yan sandan ya rubuta a shafin Sa na facebook kamar haka " Wannan shine Rabiu Suleman Mutumin Kauyen Fadan Yalwa dake Karamar Hukumar Tudun Wada, shi kwararre ne wajen kera bindiga kala-kala yana sayarwa da Yan fashi dake addabar Jama’a a Dajin Falgore da Titin Kano-zuwa Zaria da Kaduna da sauran yankunan kudancin Kano. Mun kama shi da bindigogi da harsashi mai yawa kuma ana cigaba da gudanar da bincike". Shiga shafin mu na Facebook

Tsohon dogarin Marigayi Janar Sani Abacha, Manjo Hamza Al-Mustapha, ya bayyana cewar zai iya tsayawa takarar shugaban 'kasar Najeriya a 2019 idan har 'yan Najeriya sun bu'kaci ya fito takara. "Ba zan bada sanarwar cewa zan yi takarar kujerar shugaban 'kasa ba. Amma idan mutane suka ce haka, to hakan shi ne muradinsu," Al-Mustapha ya faɗa a wata tattaunawa da aka yi da shi a Kaduna, bayan wani taro da ya yi da shuwagabannin wata 'kungiya mai rokonsa da ya tsaya takarar shugaban 'kasa a 2019 mai suna 'Eagle Eye Forum'. Al-Mustapha ya 'kara da faɗin: "Ni ba mutum ba ne mai matu'kar kwaɗayin mulki. Da ni mutum ne mai kwaɗayin hakan da tun a baya na rasa mutuncina. Amma idan mutane suka taru domin su yi magana, sannan suka yanke shawara da kansu, to wannan kira ne domin hidimta wa 'kasa." Ziyarci shafin mu na facebook

Amaryar wadda ba ta wuce shekara 20 da haihuwa ba ta na dakin girki sai uwargidan, rungume da danta, ta shiga dakin dafa abincin, daga nan sai amaryar ta fara mayar mata da magana. Daga nan sai cacar baki ta kaure, ba tare da bata lokaci ba ne kuma amaryar ta dauki tukunyar miya tana tafarfasa ta watsawa uwargidan da danta a jikinsu. Bayan ta watsa musu miyar ne, sai amaryar kuma ta fara ihu na neman a kawo musu agaji. Mai magana da yawun yan sandan ya ce uwargidan da danta yanzu haka suna babban asibitin Dutse suna karbar magani, kuma duk jikinsu ya sabule musamman ma yaron. Kwamshinan yan sandan jihar, CP Bala, ya bayar da umarnin a kai amaryar da ta aikata lamarin sashen binciken kwakwaf domin gudanar da bincike da kuma yi mata hukuncin da ya dace. Majiyar mu ta BBC ta yi kokokarin jin ta bakin mijin matan wato Malam Hamza, amma wayarsa a rufe.

Ranar laraba jiya ne gwamnan jahar Akwaibom, Udom Emmanuel, ya tarbi mai niyyar tsayawa Takarar shugaban kasa a karkashin jam'iyyar PDP, Dr. Rabi'u Musa Kwankwaso a gidan gwamnatin da ke garin Uyo. Kwankwaso ya tabbatar wa gwamnan cewa lallai jama'ar Akwaibom din za su sake zaben gwamnan saboda dimbin ayyukan gina jihar da yayi.  Tsohon gwamnan Kano din kuma ya jijinawa gwamnan saboda dinbin jama'ar da ke bin Sa.

Shugaban Majalisar Dattawa, Abubakar Bukola Saraki ya bayyanawa manema labarai cewa har yanzu bai yanke shawarar tsayawa takarar Shugaban kasa a karkashin tutar PDP ba. Saraki wanda tsohon gwamnan jihar kwara ne ya nuna cewa a halin yanzu yana ci gaba da tuntubar masu ruwa da tsaki kan makomar siyasarsa inda ya jaddada cewa zai iya samar da canjin da ake bukata a Nijeriya. Saraki ya kira majalisa taron gaggawa

Hukumar zabe ta kasa ta bukaci naira miliyan shida dan ta ciyar da yan sanda a lokacin zaben 2019. Hukumar zaben ce ta gabatar da Wannan bukatar a cikin kasafin kudinta na zaben 2019 ga wakilan majalisa a yau. Yan majalisar sun bukaci shugaban hukumar zaben da ya kare muradin hukumar na bukatar wannan kudi a cikin zaman da su ke kan yi a halin yanzu.

Hukumar zabe ta kasa ta bayar da sanarwar yiwa sabbin jam'iyyu rajista. Ga sunayen su Lamar haka: 1. Advanced Alliance Party (AAP) 2. Advanced Nigeria Democratic Party (ANDP) 3. African Action Congress (AAC) 4. Alliance for a United Nigeria (AUN) 5. Alliance of Social Democrats (ASD) 6. Alliance National Party (ANP) 7. Allied People’s Movement (APM) 8. Change Nigeria Party (CNP) 9. Congress Of Patriots (COP) 10. Liberation Movement (LM) 11. Movement for Restoration and Defence of Democracy (MRDD) 12. Nigeria Community Movement Party (NCMP) 13. Nigeria for Democracy (NFD) 14. Peoples Coalition Party (PCP) 15. Reform and Advancement Party (RAP) 16. Save Nigeria Congress (SNC) 17. United Patriots (UP) 18. United Peoples Congress (UPC ) 19. We The People Nigeria (WTPN) 20. YES Electorates Solidarity (YES) 21. Youth Party (YP) 22. Zenith Labour Party (ZLP) 23. Alternative Party of Nigeria (APN)

  Yaro mai suna Ethan Sonneborn dan shekara 14 da bai kai shekarun kada kuri'a ba ko jan mota da kansa ya fito takarar gwamna a garin Vermont da ke Amerika. Yaron da ya ke neman jam'iyyar democrat ta tsayar da shi takarar gwamnan zai yi hakan ne saboda dokar yankin na su ba ta kayyade shekarun da mutum zai kai kafin ya tsaya takarar gwamnan ba. Sharadin kawai shine kowanne dan takara ya zama mazaunin garin na akalla shekara 4, shi kuma Soneburn shekarun Sa sha hudu a garin. Za su dai yi zaben fidda dan takara ranar talata shi da wasu manya guda uku.

Dan wasan gaba na Manchester United da Belgium, Rumelu Lukaku, ya se wa kansa sabuwar mota kirar marsandi akan kudi naira miliyan 48 (£102,000). An ga dan shekara 25 din ne yau a cikin sabuwar motar tasa a yau a garin Carrington dake kasar Ingila. Dan asalin kasar Congo din dai yana daukar albashin naira miliyan 97 duk mako.

Hukumar yan sanda ta jihar Ondo ta bayar da sanarwar rasuwar Wanda ake zargi da garkuwa da mutane da ta kama a garin Owo, saboda ya sha kwayar tramadol ta yi masa karo.

Mukaddashin Shugaban Kasa, Yemi Osibanjo, ya ba Shugaban Rundunar 'Yan sanda ta kasa, Ibrahim K. Idris umarnin gaggauta yin garambawul ga rundunar yaki da miyagun laifuka ta SARS. Kakakin Mukaddashin Shugaban, Laolu Akande ya ce bin matakin ya zama dole sakamakon korafe korafe da ake ci gaba da yi game da yadda rundunar ke cin zarafin al'umma ba bisa ka'ida ba.

Hukumar Zabe Mai Zaman Kanta ta kasa ( INEC) ta tsawaita wa'adin rajistar katin zabe da makonni biyu inda za a kammala shirin rajistar a karshen wannan wata na Agusta. Haka ma, Hukumar INEC ta yi wa wasu kungiyoyin jam'iyyu 23 rajista a matsayin jam'iyyun siyasa inda aka tsara mika masu satifiket a ranar Alhamis mai zuwa.

Allah ya yi wa mahaifiyar kwararriya kuma shahararriyar jarumar Kanywood, Nafisa Abdullahi rasuwa.

Mai neman takarar shugaban kasa karkashin jam'iyyar PDP, Sanata Rabi'u Kwankwaso ya bayyana cewa gwamnan jihar Rivers, Nyesom Wike, ya cancanci zango na biyu saboda dimbin ayyukan raya kasa da yayi a jihar. Tsohon gwamnan jihar Kano din yayi wannan bayani ne a gidan gwamnatin rivers da ke fatakot a daren litinin a yayin da yaje ta'aziyyar rasuwa wani kusa a gwamnatin ta rivers. Kwankwaso ya gana da Obasanjo a jihar Ogun

Fadar shugaban kasa yau litinin ta ce mukaddashin shugaban kasa, Yemi Osinbajo zai cigaba da zama abokin takarar shugaban kasa Muhammad Buhari a zaben 2019. •Osinbajo ya tsige lawal Daura daga mukamin sa Babban mai taimakawa shugaban kasa akan kafofin yada labarai, Garba Shehu, shi ya tabbatar da haka ga manema labarai da ke fadar gwamnatin tarayya da ke Abuja.

Tsohon mataimakin gwamnan jihar Kano mai da ya sauka kwanannan, Farfesa Hafiz Abubakar ya bayyana cewa duba da irin yadda abubuwa ke gudana a siyasar jihar Kano, abu ne me matukar wuya ace Ganduje ya sake cin zabe a shekarar 2019. Farfesa Hafiz yayi wannan bayani ne a lokacin da yake hira da jaridar The Punch. Ya kara da cewa, PDP ce zata samu nasara a jihar a zabe me zuwa domin kuwa da yawa wadanda ke zagaye da gwamnan sun gaji da zama a APC saboda rashin adalcin da ake musu suna ta komawa PDP. Yace 'yan majalisar jihar ma ba'a barsu a baya ba wajan canja shekar inda ya kara da cewa yana da yakinin tsohon gwamnan jihar, Sanata Kwankwaso ne zai samu tikitin tsayawa takarar shugabancin kasa a PDP a zaben 2019.

Wata mai aikin daukar hoto, Fatima Abubakar, ta nuna hoton wani kyakkyawan jariri maraya da ba a san iyayen sa ba Wanda kuma yana gidan marayu na Maiduguri a halin yanzu. An dai sa masa sunan shugaban kasar Nigeria, Muhammad Buhari.

Kimanin mutane dubu 1,168 ne suka kamu da cutar a gundumar Madarunfa ta jahar Maradi da ke yankin kudancin kasar. Sama da wata daya ke nan da aka samu barkewar wannan cuta a wannan yanki, kuma cikin wadanda lamarin da cutar ya shafa yara kanana sun fi yawa. Dr Alhaji Ibrahim Tasiu shi ne darakatan kiwon lafiya a gundumar ta Madarunfa kuma ya shaidawa BBC cewa daga ranar Juma'ar da ta gabata zuwa yanzu kusan mutane 19 suka mutu. Mutanen da suka kamu da wannan cuta ta amai da gudawa na kwance a babban asibitin birnin Maradi ne, kamar yadda hukumar jin kai ta Majalasar Dinkin Duniya wato OCHA ta sanar. Rahotanni sun bayyana cewa a garin N'Yelwa ne aka fara samun mutum na farko da ya kamu da cutar tun a farkon watan Yuli da ya wuce.

Babban kwamitin ganin wata a Najeriya ya fitar da wata sanarwa da ke cewa ranar Talata 21 ga wannan watan ne ranar babbar Sallah a Najeriya. Kwamitin ya fitar da sanarwar ne a shafinsa na Twitter, inda ya bayyana dalilinsa na yin haka: "A kan batun cewa Saudiyya ta bayyana ranar Dhl Hijjah da ta bambanta da wanda muka riga muka bayyana, kwamitin ganin wata ya tuntubi babban kwamitin Fatawa na kasa a shekarun baya, kuma an fitar da wata Fatawa mai cewa ya kamata mu rika bin hukuncin ganin watan da kasar Saudiyya ta yanke na Dhul Hijjah saboda muhimmancin hawan Arafat." Wannan sanarwar ta ci karo da sanarwar farko da kwamitin ya fitar. Sanarwar kwamitin ta cigaba da cewa, "A kan haka ne Mai Alfarma Sarkin Musulmi, bayan ya tuntubi kwamitin Fatawa da kwamitin ganin wata da sauran malaman addini har da sarakunan gargajiya, ya bayyana Lahadi 12 ga watan Agusta 2018 a matsayin 1 ga watan Dhul Hijjah 1439H."

Baiwa 11 Da Allah Ya Yi Wa Sheik Ja'afar Yayin Rasuwarsa Daga Rabi'u Maiwaya Limawa 1. SHAHADA: Ya yi Shahada iri daya da ta Sayyidina Umar (R.A) 2. Ya rasu ranar Juma'a: Rasuwar Ranar Juma'a alama ce da ake kyautata wa Mutum zato ya samu dacewa. 3. Mahaddacin Alkur'ani ne: Ana kyautata zaton duk wanda ya haddace Alkur'ani Mai Girma ya kuma kiyaye shi ya yada shi. Zai samu rabauta ranar Lahira. 4. Kisan Gilla: Duk Muminin da aka yi wa kisan gilla ana sa ran laifukan sa sun rataya a wuyan wanda ya kashe shi. 5. Ya cika da kalmar SHAHADA: Kafin rasuwar sa an ji shi ya na maimaita kalmar La ila ha illallah Muhammadur Rasulullah 6. Dandazon Mutanen da suka halarci jana'izarsa: Ana kyautata zaton duk mamacin da mutane 40 suka halarci jana'izarsa wadanda ba sa shirka zai samu dacewa. 7. Ya rasu ya na Sallar Asuba. Sallar Asuba na daya daga cikin Sallah mai madaukakiyar daraja. 8. Limami ne shi: Jagorancin Sallah wata babbar baiwa ce da ke kusanta Bawa...

Yau Kwankwaso ya je jihar Ogun inda ya hadu da magoya bayan sa, daga nan kuma ya je su ka gana da tsohon shugaban kasar Nigeria, chief Olusegun Obasanjo. Kwankwaso shine dan takarar shugaban kasar da Obasanjo yafi nutsuwa da shi dan kada Shugaban kasa Muhammad Buhari a zabe mai gabatowa.

Babbar ma'aikatar kula da harkokin addinin Musulinci ta kasar Saudi Arabia ta bada sanarwar ganin watan zulhajji yau asabar. Saboda haka gobe lahadi zai zama 1 ga watan Zulhajji, wanda yayi daidai da 12 ga watan Augusta 2018. Abisa wannan ne ma'aikatar ta bada tabbacin Ranar litinin 20 ga watan Augusta 2018 zai kasance Ranar Arfa wato 9 ga wata Zulhajji 1439 .